吃糖水吃的不只是糖份。

是吃氣氛——有哪次不是在九點多十點飽餐一頓後仍無去意，於是找間糖水舖，延續飯局未完的話題，作一個甜美收結。簡單一口甜，承載不同世代的滋味和關顧。

舍區與老正工作室「不如問阿婆」合作，於2至5月舉辦「芝麻綠豆糖水檔」。早前招募16位銀齡Mr Bean & Ms Sesame，經過一連串培訓成為「糖水擔當」，每位經已準備好與大家分享自煮糖水，邊食邊傾人生的芝麻綠豆瑣碎事情。
.
「芝麻綠豆糖水檔」始於舍區同老正工作室，希望連結區內昔日煉糖廠嘅歷史，善用舍區嘅社區空間促進交流。 同埋 活用老正工作室策劃長者項目嘅經驗，經過細心醞釀，「芝麻綠豆糖水檔」嘅概念喺去年冬天誕生。我哋從招募銀齡檔主開始，同檔主試煲糖水、試吓做小誌，至過去幾個月每隔一兩星期「開檔」，16位檔主們都全程投入，樂在其中！聽銀齡檔主講，佢哋最享受就係喺「開檔」時同各式各樣嘅社區人士萍水相逢，短暫且真誠地交流。

有時係檔主們主動打開話匣子，有時檔主又會默默聆聽，更多時候係一齊食住糖水輕鬆傾吓生活趣事，愛情、相處之道、甜蜜回憶，無所不談，以糖水連結社區唔同嘅人。話咁快就嚟到今季最後一場，會喺一個星期五嘅中午，如果你時間彈性又或喺附近返工嘅，好歡迎嚟飲返碗銀齡檔主炮製嘅糖水，彼此交流分享。

5月場次
日期：5月23日 (五)
時間：12-2PM
地點：舍區 - 社區工房
主題：分享你的糖水回憶
糖水：海帶臭草綠豆沙​​ (先到先得，額滿即止)

平日場次，歡迎即場試飲！

所有場次：

日期	主題
2月14日	愛情信箱
2月25日	分享你的糖水回憶
3月5日	如何和不喜歡的人相處
3月29日	分享你的糖水回憶
4月10日	愛情信箱2.0
4月21日	分享你的糖水回憶
5月11日	有咩想同阿媽講
5月23日	分享你的糖水回憶