齊來共創健康！由舍區及恒生銀行合作舉辦嘅「恒創健康@舍區 - 創意銀齡計劃」，特別以銀齡一族為對象，策動多元嘅創意健康活動，由靜觀律動、減壓伸展工作坊，到創意舞蹈體驗，都有助促進長者身心健康，增強彼此嘅互動及連結。

計劃第四場活動「運動復古的士高」 ，將繼續夥拍山中小市同Hook Dance Theatre，為銀齡一族帶來不一樣嘅的士高體驗！今次活動將特設服飾主題，邀請各位老友記以「復古運動風格」嘅穿搭參與，隨住經典歌曲自由舞動，喺懷舊的士高燈光效果同氛圍之中，享受共舞交流嘅快樂！

喜歡勁歌熱舞嘅老友記快來報名，一同喺舞池內快樂相聚！

活動贊助：恒生銀行