秋冬係編織製作嘅好季節！
舍區一直推動創意永續發展，持續舉辦唔同類型嘅創意升級再造工作坊，讓公眾參與將閒置物料升級再造！
今個11月，舍區將聯手編織藝術團體Breakthrough Art Studio帶來四節再造編織工作坊，以共創連結每一位用心編織嘅人！

邀請對舊衣編織感興趣嘅您，一同以布藝再造串旗，為舍區製作共創裝飾品，讓社區嘅公共空間增添色彩！
每節工作坊將帶參加者體驗以舊衣物分割製成粗棉線，再喺固定嘅木板上進行三角形編織製作旗塊。

每塊獨一無二嘅旗幟設計，將會於下年1月18至19日「裳在童心 二手童裝義賣同樂日」作首次展示，與公眾分享編織串旗嘅成果以及創意永續理念。

歡迎各位編織新手、民間高手參與製作創意布旗，一同點綴舍區！