「我哋嘅身邊有啲咩動植物鄰居？本地嘅城市生態又係點樣嘅呢？」
要解答以上問題，不如今次試試唔上網搵答案，親身走入社區去探索！

舍區「不在線學會」誠邀你參與「鰂魚涌生態探索遊」，跟隨小樹林自然教育團隊進行離線生態考察，暫別網絡專心發掘生態寶藏！參加者將由舍區出發，走入鰂魚涌公園探索周邊嘅雀鳥、昆蟲等動植物鄰居。我哋亦會一齊觀察附近嘅人類活動、設施同建築，反思你我嘅日常生活會點樣影響到城市生物多樣性，再一同構想更生態友善嘅社區！

放低手機，放眼四周，探索網絡之外嘅城市生態，一同擁抱大自然！

創意夥伴：小樹林自然教育
小樹林自然教育有限公司由幾位香港大學生態學及生物多樣性學系的畢業生創立，致力提供多元化和有質素的自然教育體驗和服務，包括生態導賞、學校課程、教材設計等。「在小樹林探索大世界」是我們的口號，「小樹林」有如香港的郊野，面積雖小，但藴涵豐富的生物多樣性，值得認識和發掘。