3月適逢驚蟄，係民間習俗「打小人」嘅日子。你我都難免有覺得難以相處嘅人，既然避唔開，總要搵方法去面對。不如嚟一場糖水聚，分享一下你嘅相關經歷，又聽聽銀齡檔主點拆解？

第三場「芝麻綠豆糖水檔」已經準備就緒！由銀齡檔主悉心炮製蕃薯粉葛芋頭糖水，誠邀大家嚟邊食傾「點樣同唔鐘意嘅人相處？」由舍區與老正工作室「不如問阿婆」合作招募嘅16位銀齡檔主，一同經歷4節暖身環節後，正式成為糖水檔Mr Bean & Ms Sesame，藉自煮糖水打開話匣子，與不同世代分享各自人生嘅芝麻綠豆瑣碎事。

消磨一碗糖水嘅時間，同Mr Bean & Ms Sesame閒話家常，於分享之中連結彼此。

主題：如何和不喜歡的人相處
糖水：蕃薯粉葛芋頭糖水 (先到先得，額滿即止)

產品贊助：太古糖